شعر محلی : بگو

دلُم تنگه بگوشعری غمونه
بگوتاسیلُ چِش واوو رَوونه

بگوازدشتسون و پامهوری
بگواز شَوسُهون و خواروکوری

بگواز قحطی و از خشکسالی
بگواز ایرجو یااز کمالی

بگواز فایز ومفتون وشیدا
بگواز ناله یَل پنهون وپیدا

بگواز کشته واویدن جوونل
بگواز گنگ واویدن زوونَل

بگو از ساللِ دیر و قدیمی
بگواز ناله سی فقر و یتیمی

بگواز وحشتِ زندون و شلاغ
بگواز بلبلل وَیلون و بی باغ

بگواز دار بی جرم و جنایت
بگواز هرچه نامرد و خیانت

بگواز حقّ و ناحقّی که کِردن
بگواز پردۀ شرمی که دِردن

بگواز قحطیِ مردی که دیدی
بگو آشو صوا شاید نبیدی

                                                                                             "آشو صفری"